Positano Notizie Costiera Amalfitana

di Sigismondo Nastri

La bustina col batuffolo di ovatta asperso della manna di Sant'Andrea la porto sempre con me, nel portafoglio. Come già faceva mio padre. Credo che sia la stessa. La mia preghiera ne invoca la protezione non solo per me, ma per tutti gli amalfitani ovunque sparsi nel mondo. Ed è quella che ebbi l'onore di leggere in cattedrale il 30 dicembre 2015.

PRIÉRA A SANT'ANDREA APOSTOLO

O groliuso Sant'Andrea, prutettore nuosto

_ 'e tutte 'e marfitane sparpagliate p' 'o munno _ ,

ca, appena vediste a Giesù cammenà

vicino ô mare d' 'a Galilea,

sùbbeto abbandunaste varca, rezza

e tutte ll'àte cose

pe' jì' appriesso a isso,

fance 'a grazia 'e risponnere sì, comme hê fatto tu,

â chiammata d' 'o Signore:

pe' essere sempe testimmoni

e d' 'a verità;

pe' vulé bene ô prossimo nuosto

_ amice e nemmice _

e ogne lengua, culore o religione;

p' accettà co' tutto l'ammore nuosto 'a croce

ca ce tocca 'e purtà 'ncuollo

e 'e patemiente 'e chesta terra.

Sulo accussì, co' l'aiuto tuio beneditto,

ce putimmo meretà 'o bene perfetto e aterno

d' 'o Paraviso.

Ammènne.

© Sigismondo Nastri (dal libro Ammènne)